inu:it bolig pillugu

inu:it bolig Kalaallit Nunaanni pingaarnertut inuinnartunut tuniniarneqartussanik inissianut tunngatillugu suliniummik ineriartortitsivoq. Suliniutini tamani inissiat ilaat pigiinnarlugit attartortittassavavut.

Atorneqartut pitsaasuunissaat, qaamasuunissaat ullutsinnullu naleqqunnissaat suliniuteqarnermi pingaartinneqarput. Taamatuttaaq inissianik pequsersuinitsinni pequtit angerlarsimasutut misigititsisut toqqarsimavavut.

Inissiat tamarmik erruiveqarput, pitsaasunik igaffimmi atortoqarpoq, errorsiveqarpoq panersaaveqarlunilu.

Nutaamik suliniuteqangajalerpoq

2023-mi ukiakkut illorsuaq KNR-ikoq pisiarivarput inissiallu 72-it sanaartornissaannut nunaminertamik atuinissamut qinnuteqaat sulissutigileruttorparput.

Maannakkut piujuartitsineq tunngavigalugu Qussummik meqqilimmik sanaartussaagut, tassani pingaarnertut qisuit pladillu silap pissusianut mingutsitsinnginnerusut  atorneqassapput, aamma illup iluata silaannarissuunissaa pingaartinneqarpoq, ataasiakkaat pisariaqartitaat malillugit kiassartoqassaaq, maannakkullu sanaartornermi najoqqutarineqartut qaangerlugit annertunerusumik oqorsaasersuisoqassaaq.

Suliniut 2026-imi naammassissangatinneqarpoq.